8月27日 11:00

【輪證贏家】借小時圖出恒指熊

噚日揀咗隻恒指牛(68205)出嚟，借小時圖10線上行而出嘅，所以反過來就即係用返小時圖10線做下方量度線。

如常地以Patreon出文時間再比多10分鐘作為睇文時間，跟手再去返個小時圖睇返個情況，10線都仲守得住，(68205)亦符合出場條件。一樣都係用10分鐘作為買入時間的話，平均買入價為0.0795元。

大漲小回唔係問題，問題在於指數喺小回嘅時侯波幅細到係考驗緊所有Day Trader嘅耐性；當然指數太悶亦可以選擇轉戰地去個股嗰邊睇吓有無嘢好玩。

而如果Keep住都係睇指數，懶得去搵個股嘅話，呢注貨Hold到下半場返嚟見指數低走於小時圖10線，再望下隻(68205)，還叫做執到有幾格，可以喺呢個「你以為你自己係被殺漏的鬼」嘅酷熱下，加幾蚊換杯凍飲。

下半場喺作戰室都等咗成個鐘先至度到開隻淡倉出嚟，因為自己噚日要返醫院抽血，所以提早離開作戰室，希望戰友們隻淡倉可以食到尾啦。

今朝如常0830喺作戰室裏頭同大家睇個街貨圖，牛熊兩邊嘅第一層都儲住過千張嘅重貨，而指數亦剛好企於牛熊嘅中間位，變相佢行邊一邊都可以。

恒指完U開出嚟口價亦未出到方向，及至依家9點47分，指數都仲係處於開市價附近游走。

換個小時圖見指數噚日落到中軸線後，今日有似於中軸線上企穩。再去到依家10點30分見指數都仲係喺大約25600點上落廿點位游走，方向未明。

依家呢個位都有少少尷尬，正正就係等指數係企返上中軸線，還是向下穿中軸線呢?

恒指牛(60577)，收回價25938點，喺保持住有逾50點槓桿兼低街貨嘅一隻，同現價有約400點距離亦都安全，以指數向下過小時圖中軸線後出動，即管睇吓Slow STC(14.3)到超賣先，還是指數到保歷加底線先。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。版權所有。