8月13日 10:17

【輪證贏家】騰訊牛過夜食56.96%

噚日喺文中揀咗隻今日收市後會出業績嘅騰訊(00700)牛(63400)，計劃借日線圖10線守好博業績靚仔再上嘅。

而出貨位mark住小時圖，Mark住10線守得到就出貨，不過完咗個上半場之後，其實都無見佢可以企返上10線，最多得條上影線過線，又咁講，條50線都幾硬；同步條50線位置亦都同日線圖10線位置相若(同約556元水平)，Mark住呢個位出倉都可以。

喺下半場大約1點5左右，有見股價向下回落到大約556元水平，及至2點35分都仲見約556元係有支持，(63400)見支持可以出動。按期內支持位借機出(63400)，如常以期內高低位計平均買入價為0.0395元。

騰訊今日收市之後先至業績，本身隻(63400)槓桿都唔係低，偷位格仔玩一趟唔等業績亦都可以，視乎你本身點玩同注碼啦；不過中軸就大家都齊齊Lock實。

呢隻貨講明博業績，所以係持貨過夜嘅策略，本身諗住要過埋今日收市(因為騰訊收市之後先至出業績)，但今朝見恒指開升返上25000點樓上之後，及至依家9點38分再向上撲至高位(暫時)25257點，咁鬼大個Gap爆出嚟，彷彿比咗個Exit位啲過夜好倉走人咁。

而隻騰訊依家升緊11.5元，報571元，同早幾日嘅高位572元都只係爭1蚊。嗱，唔貪心嘅都真係可以食咗佢先，或者你出風箏策略都可以。

我就無乜耐性嘅，作戰室班戰友都知嘅(有耐性我就唔會玩DT啦)，所以今朝隻(63400)見佢上我都先行收割。呢一趟過夜平均有22.5格或56.96%落袋。

記得噚日都有提到隻滙控(00005)，因為前日喺新城節目上都有Pick到佢出嚟再博多次紅底，今朝開市有數架啦，有聽有跟嘅，嗱，自己搞掂啦！

10點未到指數高走到將首兩層熊證街貨全數收回，而25300至25399點呢層重貨區今日見亦儲到上有過千張期指街貨，同時亦向下移落變成第二貼價熊街貨。

再追殺上去似嘅但問題係咪今日一定要咁清法啫，小心今日只係好倉收割日，而反正噚日過夜嘅(63400)都收割咗囉，Day Trade完又可以專心工作lu ~

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。版權所有。