8月5日 10:55

【輪證贏家】黑雨恒指暫見躺平

噚日揀咗隻恒指牛(57993)出嚟，純綷都係用返小時圖Slow STC(14.3)觸底上Swing Trade嘅方法炒返指數上去。只係估唔到呢一注觸底可以玩足一日。

我家肥貓平時夜晚同浩南哥喺灣仔一樣咁玩法；但噚晚係咁行雷電閃，所以佢都暱喺檯底度瞓，一度嚇親寶寶。
今朝起身屋企Whatsapp各家族成員係度講緊唔駛返工、黑雨掛到幾時...而我只係冷冷的掉低一句「0930準時開市」，跟住就起身。

恒指今朝開市升13點，似乎佢都唔願開工，不過到開市之後一下子飆高至24800點樓上，作戰室第一注好倉追出之後，見掉轉訊號出現又快手先執點數，作為今日第一注正數；如果噚日隻(57993)過咗夜嘅話，又可以食多百幾點。
換個小時圖上見，指數噚日全日低開高走到上返中軸線前，今朝開市口價以2點之差企咗上小時圖中軸線之上。及至依家9點48分，指數仍然企高於中軸線之上，但開始有見出「射擊之星」嘅物體。

恒指熊(63043)，收回價25000點，同現價大約有307點嘅距離，好近架，槓桿有約53.73倍，所以只係 Day Trade，甚至係爬格仔用，借小時圖中軸唔過而出淡倉嘅同時，開始要留意下方10/150線，依家10點19分，恒指做緊24691點，跌41點，而10/150線位分別為24645/24638點，都近架，安全嘅或者到你睇完文之後見指數向下穿埋10/150線嘅話，就反過來借埋呢兩條線做上方量度線，即換保歷加通道博見底線，順便借埋Slow STC(14.3)向下超賣...理想嘅話...

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。