7月29日 10:08

【輪證贏家】一群土狼博補日線裂口

噚日揀咗隻恒指好倉出嚟，博Slow STC(14.3)觸底上，睇下補唔補到個裂口。

不過喺Patreon出完文之後再睇完再去返小時圖，已經到咗個裂口位前面，可惜未見指數再高土去補個裂口，阻力位明顯到咁，隻恒指牛都係等番五分鐘圖Slow STC(14.3)回到超賣位見觸底先至出動。

及至上半場11點30分，見五分鐘圖Slow STC(14.3)兩線已經回返落去超賣位置，10分鐘後亦見觸底上行，恒指牛偷位係時侯啦！不過今次真係偷，可能上半場一上一落恒指力已盡，午後至完場波幅愈來愈細，幾近橫行。

今朝鬧鐘都未響就被雨聲整醒，我家肥貓真係唔係講玩笑，繼續瞓到隻豬咁。喺作戰室睇完牛熊證街貨圖、Rerun小時&日線圖，再揀掟貨之後等完U嘅期間，天文台發出今年第一個黑雨，而我哋亦迎來今年第一場黑雨開市。

指數今朝跌百零點向下，但以今日嘅街貨圖計，純以點數計指數靠近下方牛證街貨，再加上五分鐘圖上見Slow STC(14.3)向超賣方向同保歷加通道口向下，作戰室今日濕倉出動，追指數落返去小時圖個「長方形」(噚日喺作戰室畫咗啦)。

10點未到牛證第一層街貨25300至25399點全數被收回，再向下望除咗小時圖嘅50線之外，就係佢條Slow STC(14.3)落返去超賣位。

恒指熊(60573)，收回價25688點，同現價有約400點距離，槓桿有約61.9倍用嚟做Day Trade綽綽有餘。

安全嘅用返Swing抄底向上遇阻時先至出(60573)；狼死換用日線圖博補上個星期三(7月23日)個上升裂口可以，係用呢個嘅話就留意10天線。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。