昨日 10:57

【輪證贏家】挺而走險阿里牛

噚日揀咗隻恒指熊(68780)出嚟，計劃喺小時圖上穿得過中軸嘅話就出動，借小時圖Slow STC(14.3)兩線向下落到超賣位就收工。

坐到下半場2點打後見指數向下穿過小時圖中軸，(68780)終於都落到場。

借中軸出就梗係諗住下望保歷加底線，如果係嘅話，咁呢一注隨時要過夜，因為去到完場前都未見佢落到底線位。若然唔打算過夜嘅話，完場前如常用10分鐘走貨計，都可以打返個和。

今朝起身個天都還可以，但當天文台出咗黃雨之後，家住新界東嘅我個天都黑過乜，我家肥貓都已經暱咗喺我工作嘅枱底下(枱底下我長期放咗個竇比佢瞓嘅)。

望望鐘依家10點14分，指數暫時都算叫做低開高走之後，同住喺23900點附近打游擊。

至於小時圖方面，暫時見由於指數都仲喺23900點上落中，所以暫時都定住喺度未有方向，SlowSTC(14.3)呢一刻作勢兜底，不過上面仍然有一堆平均線喺度，要過怕且都要指數比啲力。

指數未有方向，唯有試下個股方向出發。

呢排Keep住幫個同學睇佢隻陳年阿里(09888)，今日股價碌到落到102蚊好似(粗體pls)畫到底線，但如果佢一穿嘅話，真係見100蚊都不是夢。

呢一注的確係幾挺而走險，萬一11點打後個小時圖少咁一樣嘢都真係唔好出手：102蚊底線失守、Slow STC(14.3)觸底唔成功、保歷加口忽然再拓得更闊。

阿里牛(64295)，收回價98元，Set100蚊做止蝕位嘅話比多2蚊自己做緩衝。

記得記得，少一樣嘢都唔好出；出得到嘅話，隨時轉返5分鐘圖做Swing數格仔！

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。