今日 11:09

【輪證贏家】恒指熊借小時圖行Swing

噚日揀咗隻恒指牛出嚟，借住小時圖中軸企好而出，博恒指再闖多次24000點樓上關口。呢注好倉真係無乜問題，唔貪心見指數上返去小時圖保歷加頂線走人之後，下晝開會、接細路放學、發吽逗都好，無問題；再Hold再追到完場前如常計用10分鐘嚟走貨嘅話，應該仲可以爬高多幾格添！

我自己習慣向來都少拎貨過夜，睇得耐呢個專欄嘅讀者應該都知；今朝指數開市跌86點，報24061點，喺作戰室即刻睇返個5分鐘同小時圖，見兩個時軸圖嘅Slow STC(14.3)都有觸頂向下走，所以作戰室第一注都順住呢個方向而掟出淡倉。

開咗市只係15分鐘，指數已經向下落返去牛證第一層街貨，作戰室班友仔啲淡倉佢自己搞掂啦。換個小時圖上見Slow STC(14.3)依家見開始觸頂向下，小時圖嘛，比5分鐘圖行得慢係正常嘅。

恒指熊(68780)，收回價24498點，唔想企得太近，而呢隻都有42.2倍槓桿都夠用，的確係計劃借小時圖10點後指數如果確認擺位低於中軸線嘅話，借返平衡中嘅保歷加同埋觸頂咗嘅Slow STC(14.3)做一趟Swing Trade向下，Slow STC(14.3)落返去超賣位又好，指數落到保歷加底線又好，邊個到先就邊個做目標。

唯一要考慮嘅係，指數向下回返落去，有可能喺24000點附近再打過，Lock好小時圖嘅中軸縵，依家仲有6分鐘就10點，我都係拿拿聲上隻稿先啦。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon搜尋「cbbcwar」領取7日免費試用即市作戰教室

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。