6月6日 13:55

【輪證下半Part】仲等緊出倉訊號

今朝揀咗隻恒指熊(59417)出嚟，計劃博指數向下穿過小時圖10線之後，可以向下再望到條中軸。

出文後計指數係有向下穿過條10線，不過擺位上未穿得晒，都只係得條下影線有過之後又縮返上去。坦白講今日指數走勢都係比較窄位上落，或者日內嘅波幅已經喺開市後1個鐘之內已經出現咗。

去到下半場嘅時侯開始見指數過小時圖10線多咗，Slow STC(14.3)兩線保持向下。依家仲有15分鐘先至2點，就係等2點後如果都仲未見指數成粒燭低走於10線的話，咁即係今日都係Hea住線而行，未見方向就更係唔出倉住啦，嫌錢多可以捐咗佢。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。