4月22日 13:32

【輪證下半Part】換返五分鐘圖爬格仔

今朝揀咗隻恒指熊(63967)出嚟，諗住借小時圖指數向下過10/20線出動，博指數向下再壓過；但都講明要睇住五分鐘圖個情況，因為剛好出文前後時間，作戰室啲淡倉都準備走人，所以五分鐘圖Slow STC(14.3)一旦落到超賣位出觸底上嘅話，咁反過來就要等等指數上到啲線位見阻力，或者用返平時嘅Swing Trade嚟玩一趟好啦。

以今朝Patreon出文時間為10點12分，如常的用10分鐘睇文的話，則於10點22分再睇返個走勢圖，先睇五分鐘圖上已見指數同Slow STC(14.3)觸底上行；再對比小時圖上走勢，小小下影線有見，指數向上縮返上去10/20線之上。兩個圖嘅走勢都話比你知呢一刻唔係開(63967)嘅時機。

「小時圖條中軸咁接得條恒指，咁不如反過來出好倉借呢條中軸線坐住上啦！」無話唔得嘅，動作快嘅50點好倉都可以食架，只係小心Slow STC(14.3)兩線都開始上到超買位，而目前小時圖保歷加通道口橫向之下，未到掂線都算是仲有位可以比到上佢再嘅。

只不過返去再睇多次五分鐘圖指數同Slow STC(14.3)上到超買位，整條保歷加係呈上，10線或中軸接得到嘅話，索性快手啲換個五分鐘圖借線嚟做Swing，反正依家都已經下半場，再用小時圖同佢磨都真係磨到五一勞動節呀。

都揀定啦，恒指牛(65466)，收回價20650點，同現價有約730點，咁嘅市企後少少無蝕底，槓桿有約23.5倍都夠架啦，用住嚟做Swing先啦。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。