4月11日 12:59

【輪證下半Part】S金Call食咗未?!

老娘我真心懶，每每有呢啲咁動盪嘅市況時，除咗如常的玩指數之外，最多都只係睇埋金；我老友陳強，aka創陞強少，上至指定動作中美歐金股滙市，下至日韓台印馬阿(根廷)...都有Study，重點係佢條友少少黑眼圈都無，我知佢後生，但應該都係外星人，Maybe日日返屋企浸溫泉Recover。

懶鬼的我只係喺作戰室玩指數，同埋喺文裏面點咗隻SPDR金ETF(02840)，再揀定隻S金Call(27843)，平均買入價為0.2875元，今朝出文都Mark住隻(27843)幾時食都得，因為今日都星期五，唔過夜Happy Friday見好收工算啦。

以今朝Patreon出文時間10點5分，如常的用10分鐘作為睇文時間的話，即於10點15分再睇返個走勢圖，其實今朝2840大裂口彈高之後，一直都Keep住喺高位橫行，見好即收的話，(27843)當你走人計數。

同平時一樣用10分鐘時間走貨，按期內高低位做過0.37元/0.365元，平均走貨價為0.3675元。呢一趟過夜貨執8格或27.83%。

呢排都聽唔少閒閒地輸六位數字嘅故仔，心口有個勇字唔係唔好，但學誠哥話齋做人要量力而為，期貨按金都有所調整知你班炒鬼諗咩/做咩啦，炒輪證都係有槓桿有風險架，但策略係可以安全嚟抵消嘅；見作戰室班友仔安然渡過係爬緊格仔知佢咩料啦！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。