4月3日 14:52

【輪證下半Part】恒指熊半日即食23%

今朝揀咗隻恒指熊(62004)出嚟，小心嘅都只係得條日線50線，皆因今朝睇個市嘅時侯，五分鐘至小時圖上都好難搵到有底線支持。

以今朝Patreon出文時間為10點11分，如常的用10分鐘時間去睇文的話，則於10點21分再睇返個走勢圖。見當時喺五分鐘圖上嘅指數剛剛上破咗條10線，Slow STC(14.3)有轉番向上嘅方向走，及至10點35分見指數中軸唔過之後，借中軸唔過而出淡倉，睇指數喺保歷加下降通道內向下落住先。

如常的以10分鐘作為買貨時間的話，期內(62004)高低位做過0.056元/0.044元，平均買入價為0.05元。

借中軸唔過向下出淡倉呢個方法經常喺作戰室咁樣，出倉後往往都會順返Slow STC(14.3)兩線落到超賣位就停手，會唔會再借佢嚟做觸底上出番好倉，就要睇當時嘅情況啦。

做Day Trade有個好處係唔駛諗到咁長遠，適合我呢啲嚴重缺乏耐性嘅人。

喺今朝11點30分，已經見到Slow STC(14.3)兩線落到超賣位，(62004)上咗菜啦，大家又可以起筷啦！

按Slow STC(14.3)出超賣走勢至上半場完場前5分鐘段期間走貨嘅話，期內(62004)高低位做過0.064元/0.059元，平均沽貨價為0.0615元。呢一趟平均有11.5格或23%正數落袋。

聽日除咗你兒童節之外，亦都係清明紅日，如果你諗住坐貨過夜嘅話，數清楚係三日假期呀！有咩事拜完山再講！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。