2月27日 13:16

【輪證下半Part】觸發唔到恒指牛出場訊號

今朝再揀多次隻恒指牛(57492)出嚟，不過出文時都見指數向住24000點方向走，呢個位唔容易過，皆因以恒指歷史高位同上一個低位拉一個黃金比率出嚟嘅話，大約0.5位即24000點水平。又所以喺今朝都講過可以稍等五分鐘圖上見觸底向上走勢出現之後先至出隻(57492)，當作同平時一樣做一趟Swing Trade。

喺今朝文章亦都有提過24000點喺月線圖上都係遇上Big Boss，月線線圖上指數今日造過嘅高位24076點，一度高過100月線(23916點)，但指數下行上影線出現，半日收市23535點計，同稍近嘅150月線(23555點)都變成阻力。

「咁係咪完全無辦法過得到24000點先?!」又未完全唔係嘅，第一，今日只係星期四，過埋聽日月線圖先至企定，因為下個星期就到3月，仲有一日半時間佢去變；第二，保歷加通道喺月線圖都有見拓闊，Slow STC(14.3)兩線未到超買，睇下好友「誠意」有幾大嘅同時，下個月都有唔少藍籌公布業績，疊加埋上去睇下會唔會變成恒指新一輪動力啦。

再睇返今日個走勢，五分鐘圖上見由10點半至依家1點5分，Slow STC(14.3)都係處於超賣位置，只係喺11點20分時稍為觸底上一上，不過10分鐘都唔夠又重新落返去超賣水平，被10線壓住又見唔到觸底上嘅情況，未觸動到(57492)出場訊號。

話分兩頭，見到指數午後連23500點都有穿返，應該都無諗住再出隻(57492)啦！

今日咪當抖一抖囉~

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar