2月24日 13:16

【輪證下半Part】S金Call借10天線企住

今朝避一避開個市，主要原因係今朝指數由10點左右開始咬住五分鐘圖嘅中軸線咬咗成個幾鐘，無辦法之下向個股方向尋寶，但說實話，指數定住喺度，基本上大部分個股嘅情況都係差唔多，搵到一隻小時圖Slow STC(14.3)有似出觸底+保歷加通道口收窄，助攻咗Swing Trade出現嘅SPDR金ETF(02840)。

同步揀咗隻低引伸、槓桿偏高嘅S金Call(28625)出嚟，以今朝Patreon出文時間為10點24分，即同平時一樣用10分鐘時間去睇文的話，則於10點34分再睇返(02840)嘅走勢，見五分鐘圖都開始異動起步，(28625)可以落場。

如同平時一樣都係用10分鐘去入貨的話，期內(28625)高低位做過0.161元/0.159元，平均買入價為0.16元。

落場後見(02840)keep住上，11點打後再睇多次個小時圖見佢都企得返上中軸樓上，Slow STC(14.3)兩線觸底再明顯咗，而保歷加通道口亦都被佢撞闊咗少少，變返一條平衡中嘅通道。

換一換個平均線出嚟都見(02840)踩住50線上返10/20線樓上，睇嚟呢一趟Swing Trade出得到，但希望佢出得順啦，蓋金價呢期開始入每盎斯3000美元嘅歡呼聲愈來愈高，日線圖見佢都有好好地踩住條10線，整條保歷加向上中，Hold貨借日線圖10線企好+小時圖博Slow STC(14.3)上返超買嘅話，咁日線圖10線作下方量度線可以，隨時午後唔對路先收正數亦可。

記得呀！寧願食1格都唔好輸1格，心態會完全唔同晒架！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar