2月4日 14:52

【輪證下半Part】重新等借STC行Swing

噚日朝早個鼻已經有少少鼻水，不過中午定夜晚又無事；但今朝早又嚟過，都唔知係咪凍得滯還是...安全啲預約咗平時睇開嗰位醫生一陣5pm落去睇佢，佢好掂架！因為佢都係叫「珊」😂講笑啫，不過我嘅甲亢都係佢果斷幫我抽血一早發現，唔係佢我都無諗過自己會有甲亢，睇醫生都真係人夾人。

但對住個市就唔駛嘅，夾到個市就得啦！今朝揀咗隻恒指牛(68683)出嚟，以今朝Patreon出文時間為10點8分，如常的用10分鐘時間去睇文的話，即於10點18分再睇返指數，五分鐘圖上見指數從來未踩過10線就係咁飆咗上去，同時亦見保歷加通道整條開始向上，即係話指數開始由單邊升準備會見返Swing Trade，今朝都有講過其實反而係想揀定隻淡倉出嚟，事關怕出完文再睇完之後，指數都準備喺平衡中嘅保歷加出Swing向下回，硬追真係唔多建議，事關大題都講明指數踩住熊證街貨層而當時只係得返一層20600至20699點，叫做有啲睇頭嘅街貨喺度，最多都係食埋佢指數應該都收得工。而出文再去返條指數時，嗰層食埋不得止，連20700至20799點嘅骨都𦧲埋。所以再去好倉都只係徒然。

而同一個時間喺作戰室其實好倉都準備走佬，同步準備反手淡倉，淡到落到上半場完場前見Slow STC(14.3)有少少觸底就清倉放飯。

仲有大約8分鐘先至再開下半場，Slow STC(14.3)兩線係有見觸底只係數值上未見上返20以上離開超賣範圍，換言之一陣開市之後如果指數借得到Slow STC(14.3)觸底向上嘅話，咁(68683)亦都可以當係借Slow STC(14.3)行一趟Swing Trade而出動，不過要預一預保歷加通道口嘅範圍已經比今朝收窄咗，即係再上/落嘅空間都比今朝細咗，還好(68683)都係一隻高槓桿嘅牛證，所以爬下格仔都係適用嘅。

不過有作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar