1月22日 13:38

【輪證下半Part】恒指熊未見彈高未有位落

今朝揀咗隻恒指熊(64282)出嚟，都真係擔心出文之後指數已經跌完，兼且橫行等完場；係架，如果你同我一樣每日都係坐定定喺度睇住個港股嘅話，你都應該知道港股依家有八成嘅時間都只係得開市頭個一個鐘，甚至得半個鐘嚟玩架咋。

所以，喺今朝都講好咗，稍等一下五分鐘圖見指數回一回氣之後唔過線/出阻力/無氣上先至「彈高熊」；大題都講到明「彈高熊」>指數彈高先好出熊。

作戰室每日都8點半左右開始re溫返噚日嘅走勢圖同埋新update嘅牛熊街貨圖，再到9點20分完U後同9點30分正式開市前就Plan定開市後策略，所以基本上都可以捉得到開市首半小時至一個鐘內嘅波幅，買完貨兼食埋好多戰室半個鐘內完成，就可以去做番自已嘢。

而喺呢度的話，按今朝Patreon出文時間為10點19分，如同平時一樣用10分鐘時間睇文的話，則於10點29分時再睇返個走勢圖，剛好開咗市一個鐘，五分鐘圖上亦於10點10分至10點15分出咗「平底」+Slow STC(14.3)觸底上，(64282)等彈高先至出動。

不過今日指數都唔係彈得好高，可能係受住日線圖出V彈到頸線位唔過+噚日高位「十字星」，同步小時圖亦已經Slow STC(14.3)已經確認觸頂向下，所以等到11點見指數過中軸，再比多五分鐘見Slow STC(14.3)有再上，但可惜未入到超買位已經向下回落，(64282)硬要出嘅話可以嘅，但其後指數咬中軸都唔係郁得好多，度到依家大約兩至三格，拉到盡喎，唔係平均值喎。

「咁偷位做個反手得唔得呀?!」無話唔得架，即使全日計指數向下行，但你拆開五分鐘圖總會見得返指數上上落落，只不過係以半場計保歷加通道頂至底已經縮窄到得返87點，再假設指數唔行晒全層，只係行半層嘅話，87/2=44.5點嘅高位，一係動作快+高槓桿策略，一係數定有邊啲姨媽姑姐過年嘅賀禮要買定，問下阿媽食唔食蘿蔔糕、舅父仔係咪要藍罐曲奇...都已經夠你忙。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar