1月17日 14:07

【輪證下半Part】網易熊用小時圖中軸頂住

今朝見個市都係上落為主，作戰室都只係做到一啲極短線嘅動作，所以喺文章裏面揀咗隻比較少講嘅網易(09999)，仲要係淡倉，Pick咗隻網易熊(54644)出嚟。Mark住股價喺小時圖中軸以下/五分鐘圖10線壓住嘅就出動；少少貪心係博個日線圖嘅Slow STC(14.3)再向下而搶低股價，不過咁玩嘅話就要過weekend，還好(54644)都唔係一隻貼價熊。

以今朝Patreon出文時間為10點15分，如常的用10分鐘時間睇文，即於10點25分再睇返個網易嘅走勢圖，當時股價喺五分鐘圖上已被10線向下壓住，換小時圖亦見低走於中軸線，(54644)冷吼小注出動。

如同平時一樣用10分鐘時間去買貨嘅話，期內(54644)證價做0.036元。

其後股價一直都keep住處於五分鐘圖10線以下，但去到11點25分，股價隨大市一齊忽然抽高，搞到隻(54644)都無咗兩格，還好，只係兩格，都仲頂得住，係要搵定Exit位咁解啫。

還好11點幾嗰一下都係閃燃，網易股價亦有見向下回落，不過都係回落返去之前啲低位，未見有再進一步下行。

持貨至依家下半場嘅1點34分，小時圖上見網易擺位都仲低過條中軸線，而(54644)證價現時做緊0.037元，注碼唔大嘅，但1格實在太雞肋。既然有貪心地諗住借日線圖嘅話，就lock住小時圖嘅中軸線做止蝕位，試下再hold耐少少隻(54644)啦。

當然如果你係大注嘅，1格都夠做嘅，唔過夜最好啦，下個星期一(20日)特朗普就職耶~

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar