昨日 10:29

【輪證贏家】恒牛博企住20000點過聖誕

今日平安夜，半日市，所以今日係唔會有【輪證下半Part】；BTW先祝各位聖誕快樂！

半日市下坦白講對條指數都無乜特別寄望，但求佢唔好太肉酸收市過聖誕。指數今朝開市升28點，不過重點係指數踩上19900點樓上開市，呢個位亦都係第一層熊證街貨層。

依家10點未到，指數暫時高位見過20017點，升過百點，估唔到指數選擇喺平安夜打20000點攻防戰，作戰室暫時都係以出好倉為主，皆因向上攻少少就已經殺到熊證街貨。

今朝指數開市口價已經跳咗上小時圖嘅50線，呢條線亦都係噚日指數三次高走後留底上影線嘅位置，今日企得返，仲要保歷加通道口有見拓闊情況，好倉出動再追的確可以。

只係有兩樣嘢啫，第一，10點後小時圖見保歷加通道口仍然拓闊，但同時Slow STC(14.3)兩線都已經上到超買範圍，要佢出超買再超買的話，咁保歷加通道口一定要保持拓闊。

第二，五分鐘圖晨早已經被拋高高，作戰室好倉都開始進行收割，如果稍後見埋佢嘅保歷加底線向上，有似行Swing的話，咁隻好倉當平時用Slow STC(14.3)行Swing一趟咁玩好啦。

恒指牛(64717)，收回價19650點，同現價有約350點距離，槓桿偏高低街貨。

得返兩個鐘唔夠嘅Trading hour，加油！

星期五(27日)見！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar