11月25日 13:43

【輪證下半Part】正數為上！

今朝揀咗隻恒指熊(61546)出嚟，策略係等五分鐘圖上見指數如果向下穿得過中軸線嘅話，咁就出場。

以今朝出文時間為10點13分，如常的用10分鐘時間去睇文嘅話，則於10點23分再次睇返個走勢圖，見指數剛好企住喺中軸線之上未穿。咁得兩個選擇啫，一係等穿，一係等Slow STC(14.3)上返去超買位時年觸頂向下先至出動。

等到大約11點50分，指數擺位再次低返中軸線以下，至於Slow STC(14.3)係再無上返去超買位，不過當時喺五分鐘圖上又畫到個「長方形」出嚟，再安全嘅等埋指數向下失「長方形」之後先至出(61546)的話，時間大約係11點之後。

如常的用10分鐘作為買貨時間的話，期內(61546)高低位做過0.058元/0.053元，平均買入價為0.0555元。

午前指數低位見過19102栗，爭3點就全清19100至19199嗰600幾張期指街貨，同時進入19000至19099點嘅重牛街貨層，留意Slow STC(14.3)兩線已經回落到超賣範圍，的確如果指數開始喺下半場出窄幅上落Swing的話，咁(61546)亦都難留。

咁啦，(61546)落場後一直以借10線向下落，就等10線可唔可以做到(61546)嘅阻力線，一直推低指數，甚至大膽的壓過19100點啦！

唔過線好走啦！正數為上！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar