今日 13:27

【輪證下半Part】恒指牛撞正高衝快執12.4%

今朝揀咗隻恒指牛(61083)出嚟，借小時圖「平頂三角形」玩住先，所以目標係吼指數回落到去小時圖中軸之後出動，上望住「平頂三角形」/50線，因為兩者擺位都比較近。

以今朝Patreon出文時間10點1分，一如平時用10分鐘時間睇文，即於10點11分時再睇返個走勢圖，當時指數剛剛落到1693X點，而小時圖中軸線見19648點，即係踩到底線後開始有上，(61083)都係行快兩步先得。

同以10分鐘作為買貨時間計，期內高低位見過0.055元/0.051元，平均買入價為0.053元。

似乎今日上天都好眷顧我♥，入場後唔駛等好耐指數忽然高抽，望住小時圖嘅50線19756點，喺10點30分時已經上到仲有找。

同一落到站就有車可以上，唔駛等又唔駛追嗰種心情一樣，仲要快到兩個站後就落得車，(61083)任務完成，可以離場。

一樣用返10分鐘時間去走隻(61803)的話，期內高低位做過0.063元/0.058元，平均走貨價為0.0605元，即呢一趟持貨時間拉到最盡只係30分鐘啫，平均執7.5格或12.4%。

Back返隻NVDA嘅輝達Call(10319)先，記得因為NVDA嘅Call喺港股輪場上係屬於冷門嘅美股輪，所以小注參與下，或者如果你係首次參與美股輪的話，Paper Trade feel下OK嘅。

同以Patreon出文時間10點1分，如同平時睇文一樣用10分鐘時間睇完之後，即於10點11分打後施施然落場嘅話，見(10319)嘅輪價都係0.154元/0.0151元呢個範圍上落，均價計0.1525元。

還好今日星期四，博就係博今晚NVDA抽得返上去之後，都仲有個星期五開市進行收割。

望就咁望啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar