11月20日 13:32

【輪證下半Part】NVDA勿揀短身Call

今日並無揀到貨出嚟，除咗自己今日第一注已經炒咗車之外，先係小時圖噚日留低咗個「平頂三角形」出嚟，至今日開市一邊睇一邊畫線同樣地都畫到「三角形」。去到連一分鐘圖都係咁。

大家都知「三角形」走勢比「長方形」更難，皆因指數上下波幅只會愈來愈窄，比「長方形」框住嘅頂底線範圍，可爬格嘅幅度愈來愈少。同時「三角形」亦有無限復活嘅生命力，去到最後尖尖位嘅時間，嗰種上落嘅幅度同乞食好似無乜分別...

作戰室今日都只能踩住鋼線爬格仔，即使用返遠少少時軸圖嘅小時圖，見今日上半場除咗仍然卡住喺「平頂三角形」之外，「十字星」/「T星」亦都唔少。好淡爭持到唔想郁咁滯，等咩呢？難道就係等今晚NVDA嘅業績？

如果係嘅話，咁今日嘅下半場都可以唔駛玩啦喎，還是大家都追住NVDA嘅業績，博噚日出完陽燭之後，借業績造好上破10線，甚至再見歷史高位的話，港股都有NVDA嘅Call做到嘅。

輝達Call(10319)，行使價150美元，2.03%價外距離，槓桿有約5.88倍，最貼嘅價外Call兼且出年1月先至到期，受時間值影響比較低。

美股輪喺香港其實出現咗都好一段時間，但隨着已經有唔少投資者自己都可以好簡單地上網開個A/C有埋美股直接買嚟玩，所以變相成交一般嚟講都偏少少冷淡，不過好歹佢都有槓桿喺度，同正股又係唔同嘅玩法嚟嘅。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar