11月18日 14:06

【輪證下半Part】STC觸到底先出好倉

今朝揀咗隻恒指牛(60397)出嚟，博指數企返上小時圖中軸之後會續借Slow STC(14.3)向上再高走，但都有擔心文一出之後，指數同Slow STC(14.3)已經出現轉向，變成唔適合出好倉。所以進取嘅借住啲平均線或19700點企穩先至出隻(60397)可以；安全嘅咪用返Slow STC(14.3)Swing Trade方法：超賣位時先至出好倉。

以今朝Patreon出文時間為10點32分計，如常的用10分鐘作為睇文時間的話，則於10點42分再睇返個走勢圖，見指數定住喺19700點樓上，而Slow STC(14.3)兩線處於超買水平，而整條保加通道平衡返，亦Slow STC(14.3)開始無條出超買再超買。最衰今朝無揀定到隻淡倉做Swing，如果唔係呢啲位根本就係出淡倉嘅時間。

及至下半場開市，指數回落返去19650點附近，Slow STC(14.3)兩線於超賣位有出觸底走勢，只不過向上走嘅力度未見好強。如果吼呢個位而出(60397)，偷步注留意注碼。但如果觸唔到底嘅話，就唔好去啦。

作戰室今日都係爬格仔為主，只不過係下半場嘅幅度比上半場往往都係窄啲嘅，所以可能要啲時間換格仔啦。

作者阿珊，以技術分析專心玩輪證，唔貪心，努力賺取我家肥貓罐罐。