10月29日 13:31

【輪證下半Part】懂得止蝕是贏錢的第一步

今朝揀咗隻恒指牛(57470)出嚟，諗住等五分鐘圖上中軸定保歷加底線邊條線有支持Swing返上去，借埋Slow STC(14.3)同步抽高，咁就出貨。

以今朝出文時為10點20分，如常的用10分鐘作為睇文時間的話，則於10點30分再次睇返個走勢圖，Slow STC(14.3)喺未落到超賣位之下已經重新再次轉向上，但明顯見到指數借到中軸線，所以可以Mark定指數係借咗保歷加中軸至頂線先行Swing，(57470)亦可以落場。

如常用返10分鐘作為買貨時間，期內(57470)高低位做過0.061元/0.058元，平均買入價為0.0595元。

期後指數有見再上，Slow STC(14.3)兩線亦與指數同步向上，不過始終都去唔返今朝高位水平或甚再創日內新高。喺11點左右見指數大棍陰燭向下過10線，Slow STC(14.3)兩線亦已掉頭向下，(57470)亦無得留低。

就當比多少少時間，借線借到原先用返中軸作為量度線，喺11點10分都見指數失埋，(57470)確認無得再留底。

如常的用10分鐘作為走貨時間，於11點10分起計走貨，期內(57470)高低位見0.054元/0.045元，平均走貨價為0.0495元。向下落得比較急，呢一趟平均輸10格或20.2%，算是今個月內最傷嘅一注，不過都係唯一一注嘅負數。

唔緊要，雖然呢注輸10格，但如果唔做止蝕嘅話，輸嘅格仔比呢10格還要多，重申再講多次玩輪證懂得止蝕係贏錢嘅第一步。

午後返嚟見指數有似重新再行一次觸底Swing Trade一樣，不過，作戰室亦安全起先過到線先再算；反正今朝戰友們都已經吃飽飽。

作者阿珊，以技術分析專心玩輪證，唔貪心，努力賺取我家肥貓罐罐。