【輪證下半Part】靜待出貨機會

今朝揀咗隻恒指牛(57077)出嚟，諗住借五分鐘圖出文嗰時見觸頂向下回落之後，到睇完文希望見返Slow STC(14.3)反方向觸底向上，如是者(57077)就可以出動。

誰不知呢次觸頂向下落得實在太慢，去到上半場完場之前，都只係得Slow STC(14.3)嘅%K線落到20樓下，%D線都仲係喺20樓上，未算跌入超賣範圍。

無嘢嘅，財不入急門嘛，就算你睇返今朝觸頂嗰時係10點20分，指數向下吽咗成個半鐘有多都仲未落返去超賣位，反過嚟諗其實手揸淡倉嘅都應該被佢悶死咗。

作戰室今朝來回咗兩三次，吉倉過Lunch後返嚟見Slow STC(14.3)未落到去超賣位已經出咗觸底，不過要指數上行都唔容易，上面實在有太多線位喺度頂住，換埋個保歷加通道出嚟睇，見頂至底高度得60幾點。

唉，咁嘅悶局咪搞，朝早喺作戰室食個早餐就算啦。Keep住等機會出係可以嘅，但唔係依家出囉。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar

下一篇：摩通:滙豐將於明日(29日)公布業績業績前部署可參考滙豐購25808/沽26940

上一篇：麥格理:泡泡瑪特配股考驗70元關口留意新上市購28769

信報簡介｜服務條款｜私隱條款｜免責聲明｜廣告查詢｜加入信報｜聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見，本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及／或該等控股公司的任何附屬公司、或其資訊來源及／或其他第三方數據供應商均竭力提供準確而可靠的資料，但不能保證資料絕對無誤，且亦不會承擔因任何不準確或遺漏而引起的任何損失或損害的責任。