10月28日 13:30

【輪證下半Part】靜待出貨機會

今朝揀咗隻恒指牛(57077)出嚟，諗住借五分鐘圖出文嗰時見觸頂向下回落之後，到睇完文希望見返Slow STC(14.3)反方向觸底向上，如是者(57077)就可以出動。

誰不知呢次觸頂向下落得實在太慢，去到上半場完場之前，都只係得Slow STC(14.3)嘅%K線落到20樓下，%D線都仲係喺20樓上，未算跌入超賣範圍。

無嘢嘅，財不入急門嘛，就算你睇返今朝觸頂嗰時係10點20分，指數向下吽咗成個半鐘有多都仲未落返去超賣位，反過嚟諗其實手揸淡倉嘅都應該被佢悶死咗。

作戰室今朝來回咗兩三次，吉倉過Lunch後返嚟見Slow STC(14.3)未落到去超賣位已經出咗觸底，不過要指數上行都唔容易，上面實在有太多線位喺度頂住，換埋個保歷加通道出嚟睇，見頂至底高度得60幾點。

唉，咁嘅悶局咪搞，朝早喺作戰室食個早餐就算啦。Keep住等機會出係可以嘅，但唔係依家出囉。

作者阿珊，以技術分析專心玩輪證，唔貪心，努力賺取我家肥貓罐罐。