10月25日 13:32

【輪證下半Part】小時圖STC保持觸底上行中

今朝揀咗隻恒指牛(57159)出嚟，計劃借小時圖嘅Slow STC(14.3)剛好超賣位出觸底，抽返指數向上破10/20/50線，成功的話再向高空發展。

以今朝出文時間10點正計，如常用返10分鐘作為睇文時間的話，於10點10分再睇返個走勢圖。先睇小時圖見Slow STC(14.3)如願地觸底，同步五分鐘圖亦見指數借到10線企住，(57159)落得場。

同樣用10分鐘時間作為買貨時間的話，期內高低位做過0.057元/0.048元，平均買入價為0.0525元。

落場後指數都一直Keep住喺小時圖嘅10/20/50線之上，同步Slow STC(14.3)兩線亦都保持觸底向上。

不過，記得今日係星期五，有時侯借小時圖出倉，都可以要持貨一兩日唔出奇，而如果唔想持貨過weekend的話，中途改變策略其實係可以。

好似噚日咁，出淡倉嘅時侯先借小時圖，但見方向有順就開始變陣咬緊少少條量度線。今日一樣都係可以咁做，最common就係用返五分鐘圖啲平均線做量度線，而10線今朝見亦都係最貼住指數，借佢將全注嘅策略變成day Trade就得架啦。

持貨至今日上半場11點45分打後見指數向下失10線，(57159)選擇唔再持貨亦都可以率先起身離場，連揸過lunch都慳返。

一樣用返10分鐘作為走貨時間的話，期內高低位做過0.058元/0.053元，平均走貨價為0.0555元，呢一趟平均收返3格或5.41%落袋先。

作戰室今日亦一貫作風爬格仔追住上。

而如果你諗住繼續用小時圖做Trade，同時一開始都已經預咗有揸過夜嘅準備的話，下半場開市後指數再向上高衝，小時圖整個向上Swing嘅形態仍然健在。不過，間中都望下個市有無走樣，小心駛得萬年船啫。

作者阿珊，以技術分析專心玩輪證，唔貪心，努力賺取我家肥貓罐罐。