10月18日 14:14

【輪證下半Part】恒指牛快執18.58%Happy Friday!

今朝只係揀咗隻恒指牛(51639)出嚟，但其實今日都係適合用Swing Trade嘅方法去玩。

雖然今朝無揀到淡倉出嚟，但我相信大家都會識得揀嘅，手揸(51639)出Swing Trade的話，就即係等Slow STC(14.3)兩線落返去超賣位之後出動啦。

比少少心機等到上半場臨完場前五分鐘，見Slow STC(14.3)兩線落到超賣位，向來都係用10分鐘嚟入貨嘅，但做 Day Trade嘅學下縮快少少，用五分鐘時間試下入貨，如果唔係就變相下半場開市之後返嚟再追。

一如以往啦，用返10分鐘作為落場時間嘅話，以11點55分至下半場1點3分呢段時間，(51639)高低位做過0.082元/0.067元計，平均買入價為0.0745元。

午後返嚟見指數同Slow STC(14.3)觸底係咁抽，抽到上1點20分見指數再創日內新高20568點，喺五分鐘圖上高衝過後即回留下上影線，作戰室見線即時沽好轉重新再來Swing Trade。而Slow STC(14.3)兩線亦於1點25分打後重新落返去80以下嘅水平，(51639)快閃一Swing就此完成。

一樣都係用返10分鐘作為走貨時間的話，期內高低位做過0.097元/0.086元，平均走貨價為0.0915元。呢一趟平均快手執17格或18.58%。

仲有14分鐘就兩點，指數睇嚟都似借保歷加通道口拓闊而向上，我向來主張有得食就食咗先，如果想hold嘅，就唔該睇實啲線位啦。

作者阿珊，以技術分析專心玩輪證，唔貪心，努力賺取我家肥貓罐罐。