10月17日 14:58

【輪證下半Part】Swing Trade策略示範

今朝揀咗隻恒指熊(55527)出嚟，皆因到指數向下衝緊落去，不過，以指數今日企得返上日線圖中軸，兼且開始同之前單邊上/單邊落嘅日子已經唔同之下，所以同步都揀同隻恒指牛(51894)，兩隻貨都係同一收回價中最高槓桿、最低街貨。

做Swing Trade嘅好淡倉Pick定純綷做反手動作時加快個時間(慳咗喺見到轉位時仲要走去慢慢揀貨嘅時間)；見作戰室班友仔反手得咁快，除咗因為喺作戰室裏面Chat住炒之外，一早Pick定貨都係其中一個原因。

以今朝Pareton出文時間10點30分，如常的用10分鐘作為睇文時間，即10點40分再睇返個走勢圖，見指數當時已經低走於中軸以下，而Slow STC(14.3)兩線係未入到超賣位，但勢頭仍然都向住超賣方向嘅。博指數於中軸落返去保歷加底線，或者Slow STC(14.3)到超賣的話，咁(55527)可以出場。

一如以往以10分鐘作為買貨時間的話，按期內高低位做過0.095元/0087元計，平均買入價為0.091元。

其實睇返當時指數同保歷加底線都仲有一段距離，諗住都可以做得到落去啦。但就係計漏咗Slow STC(14.3)比多兩步路就已經入超賣，如果佢出觸底嘅話，咁指數有可能未到底線已經向上走返上去，隨時呢趟淡倉快到10分鐘完晒事。

果然，不出10分鐘之後Slow STC(14.3)兩線喺超賣位蜻蜓點水式掠過之後再回上，向來做Swing嘅借盡都只係借到保歷加中軸作上方量度線，還好線未過仲可以試等多一次Slow STC(14.3)落返去超賣位。

終於喺11點35分見Slow STC(14.3)兩線落返去20以下水平，(55527)起身走人。同以10分鐘時間走貨的話，按期內高低位做過0.097元/0.091元，平均走貨價為0.094元，呢一注係出得唔靚嘅，不過平均都先執3格或3.19%，當係cover咗個手續費先。

話明Swing Trade，咁Slow STC(14.3)到超賣位之後出觸底的話，就梗係可以做反手動作啦。之所以揀定貨係幾咁重要，喺走咗隻(55527)之後，(51894)就可以落場。

以10點45分完成(55527)緊接10分鐘做反手入(51894)，期內高低位做過0.043元/0.039元，平均買入價為0.041元。

落場後一樣都係等Slow STC(14.3)浮返上超買位啫，依家1點19分，下半場開市之後指數都有努力地向上，不過啲平均線實在卡得好狠。而如果好倉你有在手又做緊Swing Trade策略的話，必要時變一變，或者用保歷加中軸至底線做Swing都唔出奇。

最緊係係嗑呀？梗係正數啦！

作者阿珊，以技術分析專心玩輪證，唔貪心，努力賺取我家肥貓罐罐。