10月8日 14:08

【輪證下半Part】以秒計算的持貨時間

今朝揀咗隻恒指熊(54252)出嚟，出淡倉真係無問題架今日，問題係我出文嘅速度唔夠佢跌市嘅速度快。

以今朝Patreon出文時間10點7分，再同平時一樣用10分鐘時間去睇文的話，則於10點17分時再睇返個走勢，咬實淡倉望住目標小時圖保歷加底線向下衝過去就得架啦(多咗當bonus)。

同以10分鐘作為買貨時間的話，期內(54252)高低位做過0.175元/0.141元，平均買入價為0.158元。

買入之後再Mark住小時圖保歷加底線21451點，不過Mark咗五分鐘之後，指數已經向下衝咗落去，真係同玩迪迪尼Elsa個《森林小天地》一樣，唔聲唔聲就衝架車落去。

以10點35分時見指數已經到目標價而同10分鐘走貨，期內(54252)高低位做過0.239元/0.176元計，平均走貨價為0.2075元，呢一趟平均執23.86%。

呢期嘅所謂短炒就真係咁快，可能用分鐘計已經經叫做耐，戰友們今日嘅持貨單位係秒呀！

作者阿珊，以技術分析專心玩輪證，唔貪心，努力賺取我家肥貓罐罐。