9月26日 14:18

【輪證下半Part】恒指創年內新高

今朝揀咗隻恒指牛(50612)出嚟，大方向借小時圖10線接住指數+Slow STC(14.3)轉返個勢再向上多一次。縮細個圖用五分鐘則借埋條10線作量度線。

以今朝出文時間為10點13分，如常用10分鐘作為睇文時間的話，則於10點23分再睇返個走勢圖，小時圖10線守得住，而五分鐘圖上見指數亦都企住喺10線之上，(50612)出得。

同以10分鐘作為出貨時間的話，期內(50612)高低位做過0.117元/0.113元，平均買入價為0.115元。

呢一注一揸都估唔到可以揸到過去Lunch之後，都未算，仲陪住一齊睇恒指創年新高。依家1點44分，指數高位見過19737點，已經過咗5月初時嘅19706點架啦。

但係，重要嘅係指數喺五分鐘圖上都仲借住條10線作為下方嘅量度線，如果你仲有好倉在手嘅，一係咬實10線；一係見指數創完新高之後作沽半留半嘅放風箏策略都係可以嘅。

BTW，小時圖10線上「V」彈過勁線成功！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar