9月24日 12:39

【輪證下半Part】有無好倉追上先?!

再一次證明技術分析，應該係市場上無一種測市嘅方法係萬試萬靈。

今朝喺小時圖見「射擊之星」，所以揀定隻恒指熊(59505)出嚟，博指數向下落。然而，都係文末講定如果五分鐘圖見到指數低走於10線的話，先至小注出動。

如同平時一樣，以Patreon出文時間10點7分，ontop加10分鐘作為睇文時間，即於10點17分再睇走勢圖，已經見指數低走10線，(59505)再用10分鐘作為落場時間嘅話，期內高低位做過0.06元/0.055元，平均買入價為0.0575元。

見住指數都有再向20線方向走，但相信降準嘅預警出現比地心吸力嘅力量還要高，指數喺10點40分後見「平底」再反方向過10線，(59505)即走。

按期內(59505)高低位做過0.057元/0.047元，平均走貨價為0.052元，呢一注平均輸5.5格或10.58%。

不過，見到「平底」兼指數同Slow STC(14.3)齊齊反彈上，再喺11點後指數係咁創日內新高之下，唔睇文都識反手啦。

作戰室都係一樣，今日好倉追順大市上行嘅大全數未完半場已經飽晒，不過喺同呢篇文一齊出嘅淡倉注，因為作戰室時間一定比出文早，所以亦都有戰友成功捉到淡倉開餬；呢度就當係實測捉轉角有幾難啦！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar