9月23日 13:19

【輪證下半Part】仲有貨就借實小時圖10線啦

今朝揀咗隻恒指牛(50168)出嚟，計劃借好五分鐘圖10線，甚至見小時圖10線都keep住有力托的話，咁先至出動。

今朝篇文真係盡力早，因為我都怕出到嚟之後又已經行完；不過其實都唔緊要，如果真係有咁嘅情況出現的話，索性等返五分鐘圖嘅Slow STC(14.3)兩線落返去超賣位之後見觸底先至掟隻好倉出去，當普普通通的行一趟swing就算。

以今朝Patreon出文時間為10點2分，如同平時一樣用10分鐘時間作為睇文時間嘅話，即於10點12分時再睇返個走勢圖，當時指數向下過咗10線，落到20線之上，過10線即係未出得隻(50168)啦，不過小時圖嘅10線都仲守住，唯有試等指數上返10線先至再度啦。

喺大約10點20分，見指數已經借中軸踩好之後再上返10線上，(50168)可以出場。以此起計10分鐘作為買入時間，期內高低位做過0.077元/0.071元，平均買入價為0.074元。

落場後指數有見重新再低於10線以下位置，同步今朝亦都再三講過指數已經係七連升，再上嘅話都比個好啲嘅理由嚟先啦：見朝早18400點呢個位都企唔穩，手執好倉都真係要更加見步行步。

11點5分終於見指數再上多次18400點樓上，呢個位亦都係作戰室好倉走貨時間，而(50168)趁呢啲位走亦都係可以，如果按策略set返10線作為下方量度線的話，咁最遲嘅走貨位就係喺11點35分。

同以10分鐘作為離場時間的話，期內(50168)高低位做過0.076元/0.075元，平均走貨價為0.0755元，快來快去嘅呢一趟平均執1.5格或1.99%，補返個手續費完事。

當然，喺18400點見企唔穩即走嘅話，就唔會得咁少格仔啦；而如果係借小時圖10線計劃Keep住上嘅話，咁就要好好捉實10線，同時小心啱啱嘅11至12點小時圖高位出咗粒「射擊之星」，真係要小心有向下回一回嘅可能。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar