今日 13:31

【輪證下半Part】Happy Friday

今朝再揀多次好倉，派出最貼價牛證當中擁最高槓桿嘅恒指牛(50074)出場，借唔到五分鐘圖10線就借啲齊點數或半齊點數位，皆因指數都已經六連升，只係怕高處不勝寒。

以今朝出文時間10點10分，如常的用10分鐘作為睇文時間的話，於10點20分再睇返個走勢圖，指數已經進入咗18300點樓上嘅範圍，亦都係今朝文末時講過希望可以進入嘅範圍；同步啱啱好見到喺18346點出「平頂」，呢注好倉真係膽大心細先至做到。

同以10分鐘作為買貨時間的話，則於10點20分至30分期間出隻(50074)，期內高低位做過0.093元/0.089，平均買入價為0.091元。

好耐都未出過一隻接近成毫子嘅證，講真都真係幾貴；但如果佢做到貴買再貴賣咁都Ok嘅，可借嘅係喺呢度真係比作戰室唔止慢半拍咁簡單，喺10點40分，即落場後嘅10分鐘，已經見到指數向下過10線，睇嚟今日指數已經登完頂。

嚴守策略下(50074)喺10點40分起身離場。同平時一樣用10分鐘時間作為走勢時間的話，按期內高低位做過0.091元/0.084元計，平均走貨價為0.0875元，呢一注平均輸5.5格或6.29%。

「作戰室今朝出咗好倉咁有無事呀？」一啲事都無，事關喺今朝9點31分，即開市後1分鐘已經掟晒貨出去等收網；過10線大家仲做埋反手到依家1點14分添。

所以話，作戰室係有佢嘅唔同之處嘅；呢Round反手你又有無做到呢？作戰室Happy Friday中。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar