9月10日 13:30

【輪證下半Part】三角形喺五分鐘圖上出現

今朝揀咗隻恒指熊(69294)出嚟，lock實小時圖10線先至出手，因為估計篇文出到嚟而大家睇完之後，個走勢都有可能完全唔同晒。

以今朝出文時間10點31分，如同平時再用10分鐘時間去睇文的話，即於10點41分再睇返個走勢圖，睇返當時小時圖10線為17202點，剛好撞正指數喺五分鐘圖出咗支大棍抽上去破咗條小時圖10線，(69294)即刻可以慳返唔駛出。

作戰室晨早淡倉已經食完，嗰時其實已經都比咗好倉出去，但其實都借返今朝嘅高位，甚至換到小時圖拉到個「圓底」頸線出嚟，借住線量住好倉咩位走人。

指數上行，淡倉Standby唯一出場可能就係借Slow STC(14.3)上返超買之後出動，還原基本步地用佢嚟行Swing。

等到11點，見Slow STC(14.3)兩線上到超買位，(69294)做簡單Swing的話可以落場。按Slow STC(14.3)喺超買位去到11點25分計，期內(69294)高低位做過0.037元/0.033元，平均落場價為0.035元。

落場後指數的確有再向下行，Slow STC(14.3)兩線亦都見乖乖地向下，但就死都唔肯穿過中軸。午前見指數仍然企於中軸(仲要加多條10&150線)，Slow STC(14.3)於中軸水平見有轉向嘅情況，睇嚟(69294)亦都要搵定地方走人。

下半場開市之後，指數有見向下穿過中軸線，但擺位上就硬係穿唔過，唔通要好似噚日咁，借保歷加通道窄+唔拓闊而博指數Slow STC(14.3)再被推落去？

唔係唔得嘅，但真係要時間，反正都去到嚟呢個位，五分鐘圖亦出現「三角形」物體，推得到指數向下穿「三角形」底線aka20線的話，就當然好啦；但如果又踩踩下踩返上中軸，兼保歷加通道口拓闊，(69294)好閃啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar