9月9日 13:29

【輪證下半Part】留意五分鐘圖保歷加通道

今朝揀咗隻恒指熊(69117)出嚟，出文時計過先博指數再向下將17100至17199點嘅重貨牛全收之後，再博今日有無咁痴線到17000點。唯一落場條件係五分鐘圖10線擋路就出動。

按今朝出文時間10點19分，如同平時一樣以10分鐘時間睇文的話，則於10點29分時睇返個走勢圖，當時剛好見指數上到10線位置前，但留意指數同17100點都只係爭10零點嘅距離，預咗呢一注出動嘅就算博得穿17100點，將牛證重貨區全殺，但都未必收到好多格仔返嚟。

Anyway，由於符合(69117)出貨條件，所以(69117)亦都照落場。如同平時一樣以10分鐘作為買貨時間的話，期內高低位做過0.059元/0.056元計，平均買入價為0.0575元。

落場後持貨至11點，終於見指數篤穿咗17100點呢個位，真係篤穿架，以1點嚟穿架，不過當時(69117)證價同上述嗰10分鐘嘅平均買入價時高位0.059元相同，所以嚴格嚟講係仲未有肉食，唯有一直持貨，hold hold下變過lunch。

中午時分我呢邊落咗兩場大驟雨，黑到瞳孔放大都睇唔到，如果出街食飯無帶遮都真係幾捩𠾍。

午後返嚟見指數有再低走於17100點水平，但同時喺小時圖上見到指數紎於1708x至1709x之間築起小型底，Slow STC(14.3)兩線未Tick起。

再睇多次五分鐘圖目前保歷加頂線底高度得40點，不過Slow STC(14.3)兩線似乎有啲暗湧，唯有數住格仔同時，留意住五分鐘圖保歷加通道口嘅發展啦，企高於中軸兼拓闊的話，淡倉小心啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar