8月5日 13:41

【輪證下半Part】恒指熊見STC出超賣走人未？

今朝先揀隻恒指熊(65901)出嚟，一心諗住出文嘅時侯指數同Slow STC(14.3)應該都已經觸咗底向上走，所以先至話揀定隻(65901)出嚟，等五分鐘圖條Slow STC(14.3)超買時出場。

喺大約11點20分，已經見到Slow STC(14.3)兩線重上超買範圍，去到11點35分就向下回返落去；但今Round仲有兩次機會可以出得到，事關喺11點55分時再次見到Slow STC914.3)兩線重上超買位。

直線啲以第一次見到嘅超買回落而出隻(65901)的話，按期內高低位做過0.039元/0.034元，平均買入價為0.0365元。

午後返嚟一支「大陰燭」向下落，將五分鐘圖嘅保歷加通道口重新再拓闊，Slow STC(14.3)嘅%K線三爬兩撥已經落返去超賣水平。再到依家1點18分，Slow STC(14.3)兩線終於都見超賣位，(65901)可以準備離場。

準備完一陣做新城嘅一個短節目嘅資料之後，再返嚟睇返個市，Slow STC(14.3)目前仍然處於超賣範圍，仲有似出超賣再超賣嘅走勢，(65901)幾時走都真係隨得你。

作者阿珊，以技術分析專心玩輪證，唔貪心，努力賺取我家肥貓罐罐。