7月17日 14:49

【輪證下半Part】騰訊牛試咪

今朝揀咗隻恒指牛(56735)出嚟，不過都無乜作為，因為小時圖50線根本就無上過，同步10線向下做埋路障，咁好倉邊度有位出啫；再加上之後指數行咗個「三角形」出嚟，作戰室都係好淡兩邊爬格仔Swing住去，勉強夠格仔數咋。

都係睇返騰訊(00700)。星期一(7月15日)喺新城嘅節目提到當時騰訊上到接近400蚊「低斜度上升通道」頂部時同步有見出爭一格「平頂」，所以推介咗騰訊嘅淡倉出去。

同步亦都係作戰室度mark住隻騰訊。及至噚日作戰室嘅騰訊再Mark住。的確我係比較少睇個股，所以通常被我Mark得嘅，至少自己都有七至八成把握先拎出嚟；再嚟到今日，見有戰友今日先至出手淡隻騰訊，但都唔緊要，因為上半場仍然取得正數。

及至下半場，基本上恒指都仲係無咩睇頭，或者大家都開始聚焦於三中全會嘅出爐結果，所以就好似成班記者Camman圍住度門喺度等。咁唯有再啄住隻騰訊。

日線圖上見今朝低位水平其實亦剛好踩住「低斜度上升通道」底線同埋保歷加底線，暫時1點54分見股價出埋「十字星」添，好係一個觸底樣；問題係Slow STC(14.3)肯唔肯凌空屈返上去。

細少少拆個五分鐘圖去睇嘅話，呢一刻見股價上緊去50線樓上，Slow STC(14.3)兩線亦都由今朝嘅超賣位上返去超買範圍，如果你話用騰訊牛熊做Swing trade得唔得，其實係絕對無問題，Swing trade係適用於所有唔同嘅圖包括指數、個股，甚至係滙同商品，只要個圖都係咁畫，啲技術指標都係咁計，就無問題架啦。

可能，呢次騰訊係要捉一捉過夜，但唔係依家捉，係臨完場前去捉。

如果完場前見騰訊五分鐘圖嘅Slow STC(14.3)落返去超賣兼有觸底條件或走勢出現的話，打靶唔肉赤注出騰訊牛(63890)，收回價365元，同現價有約9.4元距離兼擺位低過保歷加底線，槓桿有約25倍，純博股價踩底線可以被托一托上去，無歪念的。

記得係「打靶唔肉赤注」，OK?!

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar