7月15日 13:36

【輪證下半Part】恒指熊平均代12.87%

今朝揀咗隻恒指熊(61000)出嚟，出倉條件係要指數低於小時圖10線；拉緊少少比多一個條件係借埋五分鐘圖睇10線過唔過，因為都怕Slow STC(14.3)兩線落到超賣咁耐，真心驚佢會反彈。

以今朝出文時間10點16分，如常的用10分鐘作為睇文時間的話，即於10點26分再睇返個走勢圖，見當時指數喺五分鐘圖上確認10線擋路後兼失守100線，小時圖都真係可以慳返唔駛睇，指數再落即係(61000)可以出場。

同平時一樣用10分鐘時間去入隻(61000)，按期內高低位做過0.052元/0.049元，平均買入價為0.0505元。

承如今朝都有講過「好貪心的借上個星期五(7月12日)小時圖第一支燭嘅低位18020點作為淡倉嘅下一個目標」還好今日指數比大家貪心得到，喺上半場11點35分見指數低位出18014點，即向下穿咗上星期五嘅低位18020點，(61000)亦都可以起身離場。

同以10分鐘作為走貨時間的話，即於11點35分起計10分鐘走(61000)，期內高低位做過005.8元/0.056元，平均走貨價為0.057元，呢一趟大概一小時嘅持貨，平均有6.5格或12.87%賺幅落袋。

依家已經係下畫1點4分，恒指剛剛開始下半場，五分鐘圖上見指數企高於10線之上，Well，上半場已經行得咁慢，下半場例慢的話，咁咪即係慢上加慢？反正都正數在手，下半場如見指數唔郁的話，未必係你network有事，可能係佢真係行得咁慢嘅事。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar