7月3日 13:57

【輪證下半Part】又打18000點攻防戰?

今朝無揀貨出嚟，皆因小時圖到日線圖都見街貨VS技術分析，亦未見大方向，所以觀察為上；即使係作戰室裏面戰友們今日嘅成績都唔係太好，至少唔係平時咁11點前係咁開餬食，一係偷位，一係守到痴咗線。老老實實我今朝第一注喺作戰室開嘅好倉都守到阿媽都幾乎唔認得先至可以守得到。

今朝睇過小時圖出咗個「平頂三角形」出嚟，指數高位被頂線頂住未過，雖然到依家1點32分已經見到指數擺位高於頂線，喺上半場後段時間仲高走於18000點，可惜依家再次回返落去，無事嘅，借到落「平頂三角形」底線嘅話又好似遠咗少少...

如果換上五分鐘圖的話，則見目前指數處於保歷加通道中軸線位置，保歷加通道口仍然收窄中，Slow STC(14.3)兩線保持向下，但就係未見指數郁，定住喺中軸唔知做乜。

又係一個等方向嘅時間，喺等嘅時侯換個借五分鐘圖出嚟一邊玩Swing，一邊等方向都不失為一個方法。

作戰室借五分鐘圖中軸重新踩住，已經手揸好倉，準備等埋Slow STC(14.3)確認轉勢就掟出去架啦，恒指牛(57013)，收回價17550點，同現價有約383點距離，槓桿有約4.7倍。

唔知呢兩日會唔會打返場18000點攻防戰呢?

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar