6月24日 13:56

【輪證下半Part】小時圖仲未確認轉勢

今朝同作戰室出淡倉，估唔到都可以追到落去177xx點呢個位，配返落今日嘅牛熊證街貨圖去睇嘅話，咁今日指數已經殺咗1084張期指街貨，怪不得穿完17800點之後到依家，指數打橫瞓喺度同我家肥貓一樣啦。

而喺今朝嘅【輪證贏家】裏面，都係講住睇住淡倉先，皆因指數都係靠近下方牛證街貨層；但問題係等小時圖條Slow STC(14.3)，到底係會觸底上，還是借保歷加通道口拓闊而向下出超賣再超賣，當時都未有定案。

如果以今日上半場完場時睇嘅小時圖，見保歷加通道口拓闊兼Slow STC(14.3)未轉勢，應該一隻淡倉放出去，然後博保歷加通道口繼續拓闊，比位指數同Slow STC(14.3)向下瀡落去，咁做真係無錯。

可惜嘅係返嚟見，即使保歷加通道口未有重新收窄，但指數同Slow STC(14.3)都開始見似出觸底。

望望鐘依家已經1點32分，指數跌幅有見收窄，小時圖上見Slow STC(14.3)同指數仍然保持觸底樣，但實在下半場走得仲慢過樹懶...都係乖乖地做定功課，等一陣做新城《即市博擊》個節目好過。

作者阿珊，以技術分析專心玩輪證，唔貪心，努力賺取我家肥貓罐罐。