6月4日 13:31

【輪證下半Part】楔形收窄中

今朝揀咗隻恒指牛(57496)出嚟，都估到出文後再睇埋之後，個世界又唔同咗。以今朝出文時間10點9分計，如常的用10分鐘時間去睇文的話，則於10點19分再睇返個走勢圖，見指數已經高位出「陀螺」再配咗支「大陰燭」出嚟，連同「陀螺」之前嘅「大陽燭」，久違了嘅高位「黃昏之星」集齊三個印花現身，好倉難追。

既然係咁，唯有等返五分鐘圖嘅Slow STC(14.3)兩線落返去超賣位先至再出場。不過睇返今日上半場Slow STC(14.3)最低都只係落到去30左右，未到超賣位就彈返上去，歸根究底都係指數行咗個「楔形」出嚟，戰友們亦順住「楔形」嘅方向做上落Trade，開開心心爬格仔，平平安安收市去。

下半場開市之後，見指數目前都仲處於「楔形」範圍裏面，一旦「楔形」埋口，就會變成可以無限復活嘅「三角形」，反正戰友已經齊齊正數，去到呢度都難以用咁窄嘅位去做Swing Trade，今日都係休息一下，有時間就落銅鑼灣行下維園，家鄉市集喎。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室七日免費體驗：https://www.patreon.com/join/cbbcwar