6月3日 14:14

【輪證下半Part】又嚟窄幅上落嘅下半場

今朝揀咗隻恒指牛(59986)出嚟，本來諗住過得到小時圖畫出嚟條頂線比出去的話，就出隻(59986)，但可惜，過到嘅只係得條上影線。

如是者，(59986)可以變陣用五分鐘圖玩Swing。喺大約11點40分左右，Slow STC(14.3)兩線低於20以下水平，但同時亦見兩線出觸底，少少地接隻(59986)落場的話，如常的做Swing Trade試下等唔等得到Slow STC(14.3)上返去超買位。

同平時一樣，用返10分鐘作為買貨時間的話，則於11點40分起計10分鐘入隻(59986)，其內(59986)高低位做過0.044元/0.043元，平均買入價為0.0435元。

其實落場個位換上保歷加通道的話，就會見到通道口開始出現收窄嘅情況，配合埋Slow STC(14.3)出觸底，的確增加咗出Swing Trade嘅機會；不過玩開Day Trade嘅都知道下半場往往都係比上半場行得慢同低波幅。

依家1點47分，指數有比之前入(59986)稍為高走一下，但一如預期的慢活中。喺1點40分時見過Slow STC(14.3)兩線只係上到6X至7X呢個位置，佢就已經無力向下回落去，畫得到「上升通道」，但都要睇指數守唔守得到。

守唔到嘅話，(59986)算啦，還好作戰室今早好倉一早食晒啫。

作者阿珊，以技術分析專心玩輪證，唔貪心，努力賺取我家肥貓罐罐。