5月17日 13:52

【輪證下半Part】恒指牛so far 八格落袋

今朝揀咗隻恒指牛(58161)出嚟，因為指數喺出文之前已經迫近咗19600點之後向下再回，所以揀定隻好倉出嚟，等睇呢篇文嘅你可以借得到五分鐘圖指數可以做到一轉Swing trade，執返個茶餐食。

同平時嘅Swing Trade一樣都係分進取同安全mode嘅，進取就借中軸線企好之後出；安全嘅就用Slow STC(14.3)兩線落到超賣位時出注。

以今朝出文時間10點23分，如常的用10分鐘作為睇文時間的話，即10點33分再睇返走勢圖，指數已經喺中軸以下水平，咁即係話進取mode出唔到，就唯有等安全mode。

再等到10點50分，Slow STC(14.3)兩線都見個位數，喺11點即見%K線開如兜底高於%D線，觸底生效之下安全mode策略亦已啟動。

按11點起計如同平時落場用10分鐘的話，(58161)期內高低位做過0.037元/0.031元，平均買入價為0.034元。

指數其後都慢慢向上行，到11點55分已經見返Slow STC(14.3)兩線上到80以上超買位，然而到依家1點19分，下半場都開埋市，Slow STC(14.3)兩線仍然keep住喺超買位，點解呀？因為歷加通道口拓闊緊囉，不過拓闊嘅程度唔算好大，呢樣係手揸好倉嘅要留意住啦。

至於幾時食？隨得你，依家1點20分(58161)證價做緊0.041元，即平均已經有8格落袋架啦。

作者阿珊，以技術分析專心玩輪證，唔貪心，努力賺取我家肥貓罐罐。