1月15日 13:27

【輪證下半Part】重新再連跌

恒指今早微升13點後即見向下，於開市後11點做出日內低位16104點後擇展轉回升至11點55分見16334點嘅高位。而按今朝早出文時間為10點17分，如常的用10分鐘作為睇文時間的話，即於10點27分時再睇返恒指走勢圖，當時於五分鐘圖上見指數剛好於第一站高位出咗「射擊之星」並向下回落，咪玩啦，見「射擊之星」向來都係出淡倉嘅時間，所以今朝揀嗰隻恒指牛(64626)，可以收埋喺檯底度先。

做返同平時嘅玩法的話，即借Slow STC(14.3)出觸底後就比好倉行一轉Swing Trade當然可以，只係擔心指數會被小時圖嘅10/20線夾住，動彈不得之下出倉唔係悶死就失心瘋被佢一棍反方向打死啫。

等到11點半打後已經見到Slow STC(14.3)兩線落到超賣水平，唯同時間指數於小時圖上見低走於中軸，咁就奇怪啦，本身出好倉係借之前見指數爬返上小時圖中軸，即重返保歷加上升通道而出架嘛，但依家唔係喎，雖然Slow STC(14.3)係見到超賣而有出好倉博Swing Trade觸底條件啫，但呢個專欄係以小時圖做Trade架嘛，主圖都無埋出好倉嗰條線，咁仲出咩呢？

下半場開市至依家大約有半個鐘，Slow STC(14.3)雖然出咗觸底但指數仍然都係維持於負20幾至負30幾呢個Range上上落落，五分鐘圖見10線都過唔到之下，好倉真係可以收得皮。

或者可以等多次指數喺小時圖上上返中軸先再比好倉嘅，但提返你到時要望下個鐘，如果唔係得返好多時間嘅話，咁就要留意一下個注碼啦。

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰室免費試用：https://www.patreon.com/join/cbbcwar