11月24日 14:32

【輪證下半Part】Shopping好過睇市

未到18000點恒指再見下行，唔知係咪區間頂底出現下有移，Anyway，恒指見日線圖條20線守到咁穩，好淡雙方隨時無啦啦又掟石過對家。

今朝Set好出淡倉行先，最好笑嘅係自己上晒文之後發現原來我唔記得揀貨，寫咗呢隻稿都已經有八年多，都係第一次有方向但唔記得揀貨。以今朝出文時間10點2分，如常用10分鐘作為睇文時間的話，即10點12分，喺小時圖上已經見到指數低走於50線，符合淡倉出動嘅策略。再到11點至12點期間見指數再落到小時圖100線，上半場低位見過17605點，少少地爬格仔都可以處理得到，前題係要你自己揀貨。

而如果選擇安全出倉的話，喺上半場最後10分鐘見Slow STC(14,3)兩線上到超買範圍，不過，保歷加通道頂至底高度只係得62點；Lunch之後返嚟再開下半場情況仍然都係咁...我都趁今日Black Friday睇下有咩買，派3000蚊coupon咁抵deal，派錢咁串有無睇過自己啲股價？(推尹光上叱吒！)

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y