昨日 10:49
噚日揀咗隻恒指熊(64562)，都係用返做Swing Trade嘅方法嚟出動，因為出文嘅時侯已經見到五分鐘圖SLow STC(14.3)兩線向下，所以諗住等第二輪出觸頂向下嘅Swing Trade走勢時出動；只係無諗過一等就等到下半場啫，同時五分鐘圖SLow STC(14.3)出超買位都有兩個，所以呢兩個都可以計作為(64562)嘅入貨位嚟做觸頂向下；不過【月度報告】就以先出現，先落場嗰位嚟做計算；Anyway，正數就得啦。
如果呢隻熊仔留埋過夜嘅話，今朝再可以食多一個200幾點嘅裂口應該無難度，不過呢一注過夜貨要食得快，因為喺五分鐘圖上見第二粒燭已經出咗低位「穿腳破頭」，吉倉嘅作戰室本身諗住淡倉先行，但見到咁嘅陣勢都係等一等先好。
10點前已經Mark住低位「穿腳破頭」+Slow STC(14.3)而換咗好倉出場，不過明明今日啲圖唔算難睇，但梗係入市個位衰衰的，依家10點16分，我自己就捱緊少少價，不過戰友們一早自己有晒策略有晒部署出埋倉，睇我嘅都只係拉線畫圖。(最好就係咁啦，我重申我呢度不是飯來張口的。)
嚟到依家10點29分，指數努力地踩返穩24400點樓上，今朝好倉出動第一注貨到依家都算耐，比起上個星期大上大落嘅時侯，注貨連凳都未坐就要起身，明白個人會變得無耐性同嫌悶；不過，就當學習一下靜靜地贏啦。
恒指牛(64602)，收回價24000點，同現價有約390點距離，槓桿有約48.8倍，為同一收回價中槓桿最高，低街貨亦都可以比個Tick佢。
唯一要考慮嘅係，依家小時圖上雖然有見指數有11月5日嘅上升裂口底接住，同時擺位都都高返少少，但係SLow STC(14.3)都仲未轉向，因住出背馳。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
