今日 11:01
噚日揀咗隻恒指熊(64946)出嚟，先Mark住小時圖10線做上方量度線，再用返五分鐘圖Slow STC(14.3)方法嚟做一趟。
出文後見小時圖10線仍然都係喺指數頭頂嘅，不過五分鐘圖Slow STC(14.3)已經落緊去超賣位，咁唯有等第二次機會啦。可惜等足一日，五分鐘圖Slow STC(14.3)兩線都未見上到超買位，所以觸頂向下嘅Swing Trade出淡倉係未成功嘅。
指數今日再來高開低走，作戰室同樣地先Plan咗順U盤方向嘅好倉出去之後，開市見指數下行立變陣以淡倉作為今日第一注。嚟到9點50分有見指數再衝26400點關都好似企唔穩咁，但同時喺五分鐘圖上有見指數行出「三角形」物體，唉~ 無咩事我都係做住第二樣嘢先啦。
10點後小時圖上見指數確認低走20線，不過10線位未確認穿得到嘅同時，最篤眼篤鼻嘅係保歷加通道口收到勁窄，Slow STC(14.3)兩線擺位未到20以下㗎喎，即係要落嘅話佢仲有空間同條件向下走落去㗎喎，但我擔心嘅就係保歷加通道口收窄而限制咗指數再下行嘅空間。
如果用返小時圖嘅Slow STC(14.3)順住方向走，咁恒指熊(64562)，收回價24950點，同現價有約415點距離，槓桿有約54.5倍，低街貨都係賣點。
就嚟11點我知，但五分鐘圖上有見指數行出三角形，作戰室暫時兩注淡倉再博住一注好倉咁樣嚟到依家，坦白講三角形我都真係唔多開胃，隻(64562)會唔會係稍後嘅時間做Swing Trade時用得到?!希望啦。
噚日過咗人生中第一堂教學...感謝同學們喺我有不足嘅情況之下都仍然反應都好熱烈，滿滿嘅情緒價值之下更希望嘅係大家明白當中嘅內容，知道程度有異亦仍然有好多疑問，期待下個星期一再見面嘅時侯，我可以從你哋嘅問題中比我去學習到更多。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
