今日 10:35
上星期五揀咗隻恒指好倉出嚟，用嚟做Day Trade嘅，睇住五分鐘圖有三線支持而揀定貨。不過以出文後如常用10分鐘去睇文，之後再睇返個走勢圖嘅話，見指數當時於50線上出「射擊之星」，同時三線位亦都有見拉開，比多10分鐘時間已經有見指數低走10/20線，同步SLow STC(14.3)觸頂向下都確認，隻恒指好倉可以留返嚟借返平時做Swing時SLow STC(14.3)觸底上先至出動啦。(呢注唔mark入《月度報告》，因為後段用返SLow STC(14.3)做Swing喺上個星期五嘅文章度係無Mark到嘅)。
今日指數再來高開，而擺位上日線圖嘅100線失而復得，本身都打定安全牌小心指數高開低走，不過見佢好似坐得住五分鐘圖嘅100線，你都知依家指數郁一百幾十點都係一兩分鐘嘅事，第一注試水溫兼搶吓格仔嚟做今日稍後時間嘅本金，所以好倉先追出去；學戰友們話齋：食咗個靚早餐先嘛！
仲有4分鐘先10點，小時圖暫時有見指數都仲企喺10線上，我係等緊10點後睇吓指數可唔可以企得穩喺10線上面嘅同時，Slow STC(14.3)會唔會轉得返個勢呈上。
10點後見指數都仲企於小時圖10線上面，不過SLow STC(14.3)兩線就未見扭得返向上。連同五分鐘圖都有見指數同SLow STC(14.3)出觸頂向下，借呢個圖嚟出淡倉博行Swing都真係講得通。
恒指熊(64946)，收回價25018點，見企到呢個位都知係安全為上啦，同現價有約420點距離，槓桿有約57.3倍夠做Day Trade，街貨唔多於10%都Ok㗎啦。用返平時五分鐘圖做Swing Trade方法咁做啦。
另外，上個星期五仲睇咗隻銀娛(00027)，純綷係見到日線圖有出到觸頂向下嘅樣，不過可惜嘅係，現市時場上得返唯一一隻銀河Put；話分兩頭，如果資金看淡銀娛的話，咁就變成焗買。
而呢注用到Put同日線圖，都有定心理準備係過weekend；但如果選擇唔過夜嘅話，即日計平均都有4格收到喎，最多則有6格，唔差喎。但如果你有貨Hold到過weekend嘅話，依家見股價目前仍然低走於小時圖10/20線，就用呢兩條線做上方量度線啦。
今晚開始一連四個星期一，係我人生中第一次教班，如果你已經報咗名嘅話，今晚見(多多指教)。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
