今日 11:10
噚日無揀到貨出嚟，因為即使做Day trade嘅，都只係喺五分鐘圖上偷吓點數，作戰室喺開市首半小時玩完兩注之後，都要等到11點先至再出到第三注貨，比埋下半場開市後一注淡倉，咁就已經可以收工。
今朝如常的喺作戰室睇今日新嘅牛熊證街貨圖同recap返噚日嘅走勢圖，最後會執定一pair貨出嚟備用。就係執貨嘅時侯發現平時用開嗰間發行商嘅網站好似停止運作咁...我好想打電話去問佢哋係停止咗呀，還是維修...
「咁你可以用其他㗎嘛」第一，用慣咗個UI嘅話，一時三刻要重新適識係好令人氣餒(你睇吓馬會隻App個UI仲可以保持到原有風味就知)；第二，我老友當年喺呢間發行商仲做緊嘅時侯，曾經我有同佢講過話加街貨(%)同距離收回價(點/元)呢兩粒數上去，當係比我自私用呀(哈哈~)，所以我對呢個website都真係有啲感情。
今日期結日，指數chok到嘔白泡就預咗，呢啲日子多數都係靠戰友們自己操盤，因為圍爐得嚟指數已經變咗樣，依點10點21分，五分鐘圖一支燭閒閒地都50點嘅，咁你話點圍爐？又所以每逢期結日，一係當小測，一係休息日，再唔係就觀戰，因為有部份戰友真係可以trade得到，小測滿分。
再嚟到10點47分，作戰室戰友們分享緊自己個半鐘頭唔夠Trade七次嘅心得，反正追唔砌，聽吓人講咩都好呀。
而我就睇緊無個股可以執出嚟玩，內銀真係好強但星期一喺Patreon度已經出咗，依家個樣有似要等佢回一回少少先。
搵到...都真係要交稿啦，唯有拎隻中移動(00941)出嚟啦，但佢未係我心目中可以即刻追得嘅貨，因為日線圖上見77蚊築底成功後，借SLow STC(14.3)兩線觸底上到今日見中軸線前，暫時出咗上影線，無錯！佢都係要等嘅。
所以...今日不如先Bookmark住隻中移先。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
