今日 10:36
噚日揀咗恒指牛熊各一出嚟，皆因喺小時圖上未見到有方向，所以先用五分鐘圖嘅Swing Trade玩住先。
出文之前都有見到五分鐘圖嘅Slow STC(14.3)觸底上兼過10線，咁即係可以先去隻恒指牛(65570)。
持貨至大約11點10分之後，有見指數上到保歷加通道頂線，Slow STC(14.3)未到嘅。再等多五分鐘未見保歷加通道拓闊之餘，Slow STC(14.3)兩線開始上唔到兼有見向下，(65570)就知無位再上要走。
同步，亦如噚日文中有提及，如果上一段嘅觸底上行Swing行完啦，而走勢圖上仍然出緊做Swing嘅形態的話，咁有機會反方向做嘅係恒指熊(68914)。如是者一日兩轉貨做Swing，加埋都有接近20%正數入袋。
今朝起身見隔晚美股升成500幾點，以為今日恒指都可以做返好少少，結果係升270幾點之後出開高低走，作戰室本來Plan住出好倉順U盤方向走，但見到咁嘅情況，所以作戰室變陣，先去淡倉。
依家10點10分，指數向下回落到升72點，報23940點，於五分鐘圖上見亦等同企於中軸線上，再加埋保歷加通道橫行，似乎要等方向啦。
換小時圖上見，指數今朝開喺50線附近，即出阻力向下走，而到依家指數擺位見低於10線，五條平均線保持倒序排列；換保歷加通道口有見收窄不過都仲有條件出Swing，係條Slow STC(14.3)未彈就再落。
「彈高熊啱㗎啦~」作戰室班友仔成日都咁講...哈哈。
用返噚日隻恒指熊(68914)可以，今日睇返啲街貨都唔係好過份；如果想再安全多少少嘅話，恒指熊(69348)，收回價24388點，同現價有約447點距離，槓桿有約50.9倍。
依家10點25分，出文前一刻見指數已經向下穿咗23900點啦，但願指數仲有得再落而成功出倉兼收割啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
