今日 10:50
假期前揀咗隻恒指牛，幾擔心佢出唔到倉又食白果，還好喺Patreon出文後再睇返指數，見都仲係向住五分鐘圖20線方向走，及至10點40分，即係出咗文之後大約15分鐘，指數向上撲上過20線，隻牛落得場。
借中軸入市又借返條中軸向上Hold住隻牛，玩玩吓，竟然可以玩到收市，嘿，係有料嘅，但留意低開高走+跌轉升後，喺日線圖上10線都係未掂到。
好在呢隻牛仔唔過夜，今日國慶假期後第一個交易日，沒有爺爺睇住(無北水)嘅情況下，恒指開市大裂口低開500幾點，首三層牛證街貨，當中包括有兩層係過千張期指街貨嘅都全數清埋；但喺仲有1分鐘正式開市時我家肥貓喵到我頭都暈，唯有喺作戰室掟低句「準備淡倉，貓貓係咁叫」之後睇吓肥貓又無乜嘢之後，坐返埋位見開市後再向下走，戰友們都自己掟晒淡倉出去，又係10點前做晒第一注。
本應見五分鐘圖整條保歷加通道向下嘅話，指數同Slow STC(14.3)都有條件出返Swing走勢，但係Swing都比條線嚟夾住先得㗎嘛，所以如常的先用最近嘅平均線(即10線)嚟睇吓指數過唔過到線先。依家10點23分，作戰室就係等緊呢樣嘢啫。
等到大約10點半到終於都有見指數觸底爬返上10線以上位置，作戰室亦都反手出動。
恒指牛(57447)，收回價23550點，同現價有約350點距離，槓桿有約50.9倍，夠做Day Trade，真係用五分鐘圖嚟逐線逐線向上打返上去咋，試吓今日低開低走之後，會唔會高走返上去打24000點個位。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
