今日 10:54
上個星期五(9月11日)揀咗隻恒指牛(61166)出嚟，文末有mark住安全嘅等下五分鐘圖企穩10線上面先至出動嘅。以Patreon出文後再如常用10分鐘睇文，之後喺大約11點就見到指數企返上五分鐘圖嘅10線，同步Slow STC(14.3)都有觸底向上，(61166)可以出得場。
還好呢一注上半場完場前已經見到Slow STC(14.3)兩線重上到超買位，(61166)喺超買位幾時走人都可以，呢一注平均有34.04%正數，仲唔Happy Friday?!
今朝如常喺作戰室裏面先睇咗啲街貨圖同埋睇小時&日線圖，發現最近兩個交易日指數都係出低開高走，所以今朝有見指數低開後，雖然都Mark住順U盤&街貨方向出倉，但同時都Bold住要留意今日指數出唔出低開高走。
結果更係有啦，只不過依家9點52分見指數低開高走到五分鐘圖10線後出上影線，仲出現咗兩次，確認係過唔到之後，作戰室先至將注淡倉拎出場。
今個星期除咗有內公布8月份經濟數據之外，仲有美國、英國同日本議息會議，話指數會定住等呢啲日子過都唔出奇；但都無阻用五分鐘圖做Day trade嘅玩法，除非連五分鐘圖都橫行啦，如果係咁嘅話，可以選擇真接熄機，埋位做嘢算啦。
望望鐘依家10點20分，五分鐘圖上有見指數行出圓底形態，再比多7分鐘向上突破兼跌轉升，但同時間於五分鐘圖上Slow STC(14.3)嘅%K線已經上到80，好倉再去變相要迫保歷加通道口拓闊先至有得再追上去。
假設今日指數都係喺五分鐘圖內行Swing的話，如果出文後到你睇完，見Slow STC(14.3)確認觸頂向下，恒指熊(55854)，收回價25275，同現價有約527點距離，槓桿有約45.8倍，為全場最高槓桿嘅熊證，今日新上市所以未見有街貨。
疊加多一個持貨條件嘅係，如果11點後見指數重新低走埋小時圖嘅10線的話，借埋呢條線做上方量度線啦。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
