今日 10:24
噚日揀咗兩隻貨，分別係恒指熊(64190)同恒指牛(68474)，因為出文嗰時剛好指數同五分鐘圖嘅10線相遇，未知指數係借線企返住上，還是向下穿線落，所以都揀晒出嚟先，出文後應該有答案，到時用返五分嘅Slow STC(14.3)嚟做Swing Trade就可以。
出文後明顯見到指數已經低走五分鐘圖10線，所以拎咗隻(64190)出嚟，少少驚喜嘅係呢注貨可以揸到過Lunch，喺2點有見指數同Slow STC(14.3)觸底上返五分鐘圖10線後而清走，雖然指數唔係boom一聲向下走，但呢一注唔覺唔覺，平均都有成11格/21.57%正數㗎！之後仲做唔做Swing Trade都無乜所謂lu~
其實唔止五分鐘圖搭Slow STC(14.3)可以做Swing Trade，用日線圖/週線圖搭啲量度線一樣都可以(當然兩個方向當中都仲要加啲條件啦！)
依家9點54分，恒指上到25763點暫時高位之後有見向下走，作戰室今朝完U後已經Mark住要撲出去嘅好倉，亦都出咗風箏策略；亦有戰友做定偷步反手淡倉，準備接10點後預計會出現嘅Swing Trade。
而睇文嘅你，見指數今朝「大陽燭」出現上破150線。Slow STC(14.3)兩線於中軸水平有見%K線高走於%D線，同時亦都有見保歷加通道口拓闊，一早用咗小時圖Mark住嘅兩個頂線位，睇嚟第二條25800點都唔係無機會。
嚟到依家10點6分，恒指已經同25800點爭30點都唔夠，再上嘅話就入重貨熊嗰層，呢個時間如果推隻好倉再到出文之後你睇完，會唔會注好倉都已經準備收工呢? 呢個係我成日都要考慮嘅問題。
恒指熊(56970)，收回價26100點，同現價有約360點距離，槓桿有約64.3倍。用返五分鐘圖做Swing Trade，咁所以如果見到指數向下低走五分鐘圖10線嘅話，(56970)先好出倉，逐線逐線向下追到落到Slow STC(14.3)到超賣或指數落到保歷加通道底線為止。
好難全日Slow STC(14.3)都貼住喺天花板嘅，但都有一個可能係，Slow STC(14.3)有見觸頂向下但指數都係唔郁㗎。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
